Suksesberig

Genesing van ernstige veneuse ontoereikendheid (spatare) [1]

Margarete M. (50) uit A.

Sedert 1983 het ek aan bloedvloei probleme in die bene gely. Weens 'n aarswakheid is die bloed nie voldoende na bo getransporteer nie, wat 'n aansienlike stuwing veroorsaak het. Met die verloop van jare het hierdie siekte steeds erger geword. My huisdokter het 'n chroniese veneuse ontoereikendheid gediagnoseer en drukkouse voorgeskryf wat ek daagliks gedra het. Dit kon egter nie die vordering van die siekte stuit nie. Reeds na 'n kort rukkie se staan was daar 'n amper onuithoudbare gevoel in die bene, asof dit uitmekaar wou breek. Op warm somersdae was dit besonder erg, by hitte ondraaglik. In die aand was die bene erg geswel. Ek het elke moontlike geleentheid gebruik om te gaan sit en die been hoog te plaas om die pyn te verlig. My huisdokter het gesê dat hierdie kwaal ongeneeslik was en dat ek moes leer om daarmee saam te leef.

In Januarie 1988 is ek bekendgestel met die leer van Bruno Groening en neem sedertdien die helende krag op.

Na my inleiding in die leer van Bruno Groening het ek, behalwe vir kort onderbrekings, 'n aangename warm gekriewel in beide bene gevoel. Vier maande na die inleiding kon ek die drukkouse uittrek. Sedertdien dra ek nylonkouse soos vroeër en normale skoene. Ek hoef nie meer die bene hoog te plaas nie en kan ure lank sonder probleme staan. Die swelling het ook nooit weer voorgekom nie.

Mediese kommentaar:

Varikose (spataarvorming) word verdeel in primêre en sekondêre varise (spatare). By mev M. Was daar primêre varikose. Hierdie siekte ontstaan deur 'n bindweefsel swakheid en/of minderwaardige kleppe van die oppervlakkige are. Behalwe vir operatiewe maatreëls bestaan daar die terapeutiese moontlikheid van die permanente dra van drukkouse om verligting te bereik. Die drukkouse gee meer steun aan die verwyde weefsel en verbeter so die bloed terugvloei. 'n Genesing van die are is medies nie moontlik nie, aarklep ontoereikendheid en varise is uit 'n mediese oogpunt onherroepelike skade. As die aarsiekte oor 'n lang tyd voortduur kan dit lei tot aarontsteking en bloeding en swere aan die onderbeen.

Die gedagte om lewenslank met dik drukkouse rond te moet loop is sekerlik bedrukkend. Meeste mense wat dit oorgekom het het geen idee van die beperkinge wat die dra van sulke kouse meebring nie. Buitendien sal deur die bindweefselswakheid met die ouderdom eerder 'n verslegting as 'n verbetering kom, ten spyte van die dra van sulke kouse.

Operatiewe maatreëls sowel as die genoemde komplikasies is mev M. gespaar gebly. Sy het aansluiting gevind by die deurgegewe genesende krag deur Bruno Groening en 'n volle genesing ervaar. Die sterk spanningsgevoel in die bene by weglating van die drukkouse, die voortdurende hooglê van die bene en toename van die klagte by warmte – van al hierdie probleme is sy bevry en kon die drukkouse wegsit. 'n Mediese na-ondersoek het die genesing bevestig. In die mediese verslag staan betreffende die ondersoekresultaat van beide bene o.a.:

"'n Doppler sonografiese ondersoek van beide kante het geen teken van CVI (chroniese veneuse insuffisiënsie) getoon nie. Geen uiterlike varikose is waarneembaar nie, aarverloop drukpunte, sowel as tekens van thrombose is negatief."[2]

Mediese gesproke is hierdie verloop van 'n teruggaan van 'n gemanifesteerde veneuse insuffisiënsie nie verklaarbaar nie. Hier het 'n teruggang van 'n onomkeerbare organiese struktuurverandering voorgekom. Dit is iets wat by elke verantwoordingbewuste dokter groot belangstelling behoort te wek.

Verwysings:

A-MWF = Argief van die Medies-Wetenskaplike Studiegroep D-Hamburg/Hennef-Sieg

[1] Uittreksel uit die suksesberig van Margarete M., A-MWF

[2] Mediese sertifikaat van dr. B. uit A. van 19-09-1991, A-MWF