Spegulo de la gazetaro 1996 gxis hodiaux, Britio:
"Health Network", eldono jan. 2000

(Eltirajxo)

"Kiel oni lernas akcepti sanigxon"

"Amikaro Bruno Groening"

Bruno Groening, la plej fama saniganto de Germanio, naskigxis la 31an de majo 1906 en Gdansko (Dancigo). Tiutempe la urbo apartenis al Germanio. En septembro 1949 atentigis pri li la okazintaj amasaj sanigxoj cxe Traberhof, proksime de Rosenheim en suda Germanio. Miloj da homoj auxskultis liajn vortojn kaj okazis bibliaj scenoj. Blinduloj denove povis vidi kaj lamuloj povis iri. Malgraux tiuj belegaj sukcesoj li ricevis malpermeson por sanigo kaj parolado, cxar li ne estis naturkuracisto.

Gxis lia morto en la jaro 1959 li dedicxis sian vivon al la tasko, montri al la homoj, ke plej grave por sanigxo de iu malsano estas la sentemo al la saniga kurento de la Dia pli alta potenco. Li instruis al la homoj, kiel oni akceptis tiun forton almenaux dufoje en la tago, oni estis cxirkaux 15 minutojn en agrabla, malferma sidanta pozicio kaj malfermis sian animon, por ricevi la Dian gracon. La konscian akcepton de la saniga kurento li nomis "agordigxo".

Tio efikas kiel spirita nutrajxo, aldone al la materia mangxo, kiun la korpo kaj la animo bezonas. La efiko de la saniga kurento ofte donas senton de eta, de varmo akompanata sento de la kurento, sed eble povas okazi, ke hodiaux kelkaj sentas nenion. Laux Bruno Groening la plej grava pasxo sur la vojo al la sanigxo estas konscia disigxo de la malsano, kiun li priskribis kiel "fordono" de malsano aux de problemo. Kiam la homo faras tion, aperas la lumo kaj luktas kun la energio estanta en la malsano, stato, kiun Bruno Groening priskribis kiel "reguligxojn". Kelkaj homoj perdas siajn dolorojn baldaux, cxe aliaj homoj aperas novaj doloroj kiel sekvo de la sxangxoj okazantaj en la korpo. La homo devas retrovi la vojon al Dio. Nesanigebla estas nenio, nek doloroj nek funebro nek suferoj.

En Amikaro Bruno Groening oni transdonas lian instruon al cxiuj interesitoj. Proksimume en cxiu tria semajno la homoj kunvenas por reciproke subteni sin kaj lerni, kiel ili povas malfermi sin por ricevi spiritmanieran sanigxon. Ne ekzistas sanigantoj, nur amikoj. Laux Joanna Brooking, unu el la amikoj en Britio, la instruo estas ege facila, sed tamen gxi enhavas tutan vivovojon. En la amikaro kunvenas homoj sur informiga bazo, sen legxa aux financaj devoj aux ligoj. Cxiuj aktivecoj estas senpagaj. La kostojn kovras donacoj. Cxiuj laboroj estas farataj honorofice. La grupo estas mafermita al homoj de cxiuj nacioj, religioj kaj sociaj tavoloj. Ekzistas ankaux junulaj kaj infanaj komunumoj, kie en la instruo estas ofertataj speciala apliko por la koncerna vivoperiodo. La amikaro kreskis al nun pli ol 35.000 amikoj en multaj sxtatoj en la tuta mondo.

La Medicin-Scienca Fakgrupo (MWF) estas internacia organizajxo de pli ol 4000 fakuloj laborantaj en la sanbrancxo (profesoroj, kuracistoj, terapiistoj, naturkuracistoj kaj flegistoj) en pli ol 50 sxtatoj. La cxefa tasko estas, dokumentadi la helpojn kaj sanigxojn okazintaj pere de la instruo de Bruno Groening. Cxar Bruno Groening neniam prenis monon por la sanigxoj, sed petis la sanigxintojn, skribe konfirmi sian sanigxon, ekzistas tre multaj dokumentoj pri la okazintaj sanigxoj. Sukcesraportoj estas science dokumentataj, por kio estas uzataj la rezultoj de la faritaj ekzamenoj de sendependaj kuracistoj. Cxi-maniere dum la multaj jaroj estis kreita arkivo, kiu pruvas, ke eblas sanigxo de organaj malsanoj kaj ecx de malsanoj pregitaj de kadukeco. (...)

La fondinto kaj gvidanto de MWF estas la kuracisto kaj auxtoro Matthias Kamp el Hamburg. Lia plej nova libro sur cxi tiu tereno, "Sanigxo per spiritaj fortoj laux la instruo de Bruno Groening", estas sistema kolekto de sukcesraportoj, ordigitaj laux la klasifika sistemo de la skola medicino, kaj antaux nelonge gxi aperis en la angla. (...)