Vështrim i shkurtër mbi rrethin e miqve

<body> <p>Vështrim i shkurtër mbi rrethin e miqve<br> Bruno Gröning - burr i thjeshtë me aftësi të veçanta <br> Bruno Gröning u lind më 31 maj 1906 në Danzig-Oliva si i katërti i shtatë fëmijëve. Qysh djali i vogël ka qenë në gjendje të ushtronte një ndikim shërues mbi njerëz dhe kafshë të sëmura. <br> Si pasojë e Luftës së Parë Botërore, ai ka mundur të ndiqte shkollën fillore vetëm deri në klasën e pestë. Ndërsa Bruno Gröning e mësoi zanatin e zdrukthëtarit, ai punonte në profesione të ndryshme. Gjatë Luftës së Dytë Botërore u thirr nën armë dhe ra rob. Në vitin 1949 u spikat në saje të shërimit të një djali në Herford të Gjermanisë, të cilin mjekët e kishin shpallur të pashërueshëm. Shërimet masive në Traberhof të Rosenheimit afër Munihut tërhoqën vëmendje anëmbanë botës. Megjithatë, Bruno Gröning-ut iu ndalua veprimi shërues kështu që nuk ka mundur më të vepronte publikisht. Më 26 janar 1959, në Paris, Bruno Gröning ndërroi jetë. <br> Mësimet e Bruno Gröning - ndihmë dhe shërim më rrugë spirituale <br> Bruno Gröning nuk i ka studiuar mësimet e veta, dhe as nuk i ka shpikur a zhvilluar, por ato i janë dhënë atij më rrugë spirituale. Ndëgjuesve mësimet e veta ua "jepte në dijeni" në ligjerata që i mbante pa koncept. E vërteta vërtetohet me anë të pasojave të mira a të "fryteve të mira" që korren nëse zbatohen mësimet e tij. <br> Në ligjeratat e tij për çështje besimi, Bruno Gröning gjithnjë mbështetej në ekzistimin e ndikimit të fuqive spirituale mbi njeriun. Ndikimi i këtyre fuqive është më i madh sesa supozohet. Me këto fuqi spirituale bëjnë pjesë sidomos mendimet. Gjithnjë e më shumë shkenca është duke i njohur ndërlidhjet spirituale të jetës. <br> Ndihma dhe shërimi më rruge spirituale ua japin mundësinë të gjithë njerëzve që të lirohen nga sëmundjet, hallet dhe shtrëngimet. Vetëkuptohet se është puna e çdo individi se në ç'përmase i ndjek mësimet e lartpërmendura. <br> Bruno Gröning tha: "Zoti është dërguesi i forcës shëruese, ndërsa njeriu është marrësi i saj."<br> Kur Bruno Gröning mbante ligjeratat e tij mbi besimin, shpeshherë zhvilloheshin skena biblike: të verbërit kanë mundur prapë të shihnin, të çalët kanë mundur prapë të ecnin - gjë që është dokumentuar hollësisht me publikime të shumta dhe shumë rrëfime dëshmitarësh. <br> Këto "mrekullira" vazhdojnë të bëhen edhe sot. Edhe sot e kësaj dite vepron "forca shëruese" për të cilën Bruno Gröning u fliste njerëzve. Mijëra raporte suksesi - pjesërisht të verifikuara e të dokumentuara nga mjekët e Grupit Ekspertor Mjekësoro-Shkencor (MWF) të rrethit të miqve "Bruno Gröning» - flasin një gjuhë të qartë. <br> "Të gjithë njerëzit duhet të vdesin, ashtu dhe unë; mirëpo, nuk do të jem i vdekur. Dhe kur të më thërrasin, do të vij dhe do të ndihmoj, në dashtë Zoti" ka parathënë Bruno Gröning. <br> Mësimet e Bruno Gröning - Na bind veprimi pozitiv <br> Bruno Gröning nuk i kuronte njerëzit, prandaj nuk i shëronte në kuptimin mjekësor të fjalës. Kurrë nuk bënte pyetje për sëmundjet. Në të kundërtën: ai kundërshtonte vendosmërisht të dëgjonte gjë për ndonjë sëmundje, as emrin e sëmundjes s'donte ta dëgjonte. Veprimi i Bruno Gröning ndodhte vetëm me anë të ligjeratave të tij mbi besimin, në të cilat i thërriste ndihmëkërkuesit për kthesën e madhe. Nuk jepte premtime shërimi. Ligjeratat e tij janë të ruajtura pjesërisht në shirita magnetofoni, pjesërisht nëpërmjet protokolleve. <br> Sado e pabesueshme të tingëllojë: Me anë të dëgjimit e të respektimit të fjalëve të tij - të mësimeve të tij - janë shëruar dhe shërohen njerëz, kafshë dhe bimë. Si asokohe, ashtu dhe sot. <br> Përveç ndihmave dhe shërimeve, shihet edhe ndikimi pozitiv mbi koncepcionimin e jetës dhe mbi mënyrën e të jetuarit. Kjo vërtetohet nga shumë njerëz të cilët tregojnë një gjë të tillë dhe që kanë marrë një zhvillim më pozitiv të personalitetit të tyre. <br> Bruno Gröning tha: "Unë ju jap juve rregullat e lojës së jetës, që ju të mund të bëheni mjeshtër të jetës!"<br> Mësimet e Bruno Gröning - një udhë deri te Zoti<br> Bruno Gröning tha: "Të bëmat dhe veprimet e mia i shërbejnë vetëm qëllimit që të gjithë njerëzit t'i çoj prapë në udhë të drejtë, në udhë të Zotit." <br> E konsideronte si detyrën e tij që njerëzve t'ua hapte derën e kuptimit dhe të përjetimit hyjnor, e kështu t'i rikthente njerëzit te besimi në Zotin, gjë që qëndronte gjithmonë në qendër të fjalëve të tij. E shihte veten si udhërrëfyes, si ndërmjetës të forcës hyjnore. <br> Veprimi gjithëpërfshirës i një besimi të tillë në Zotin si burimi i burimeve të të gjitha ndodhive pozitive është i stërlashtë dhe është i njohur edhe në literaturë. <br> Në këtë mes Bruno Gröning tha: "Nuk po ju them asgjë të re, po ju them vetëm atë që sot s'e dini më."<br> Për këtë, është e kuptueshme se pse Bruno Gröning kurrë nuk donte ta falënderonin atë: "Mos falënderomani mua, falënderojeni Zotin, Ai ka bërë seç u bë." Pranimi i mësimeve të tij shpeshherë çon deri te një religjiozitet i rifituar resp. i përforcuar. <br> Mësimet e Bruno Gröning dhe shkenca <br> Shkenca moderne është duke rizbuluar atë që ka qenë e njohur në të gjitha kulturat e larta të lashtësisë dhe që është e njohur në Azi deri në kohën tonë. Rryma energjish të larta drejtojnë dhe caktojnë jetën tonë, gjë që profesori rus Gurviçi e zbuloi më 1922 si rrezatim qelizash ku në Akademinë e Shkencave në Novosibirsk u arrit të provohej se ky rrezatim biologjik është bartësi vendimtar i informacionit për të gjitha qelizat në çdo organizëm të gjallë. Ndërkohë, këto zbulime janë vërtetuar dhe zgjeruar. Kjo u arrit para së gjithash me anë të punimeve të prof. Popp pranë universitetit të Kaiserslautern-it i cili ka mundur të tregonte me aparate fort të ndjeshme të teknikës së matjes që rrezatimi i qelizave është rrezatim koherent, dmth. rrezatim më së tepërmi i rregulluar elektromagnetik mbrenda gjatësisë së valeve të dritës ultraviolete. Kjo ka mundësuar të kuptuarit dhe dijeni plotësisht të reja për vetë jetën. <br> Bruno Gröning thoshte: "Për qenien time, sipas mendimit tim, do të duhej të interesohej shkenca e sotme, qoftë edhe vetëm për shkak se e bëmja ime jep sugjerime për hulumtime dmth. për një detyrë të së nesërmes."<br> Aso dije mundëson edhe një të kuptuar se shërimet mund të shkaktohen nga rryma të energjisë së hollë, p.sh. nga një "rrymë shëruese" sipas Bruno Gröning, rrymë kjo që mund të ndihet në trup. Bruno Gröning dispononte me një dije shumë të saktë dhe të plotë për ligjshmëritë e këtyre energjive. Këtë dije e ka përmbledhur në mësimet e tij që i jepte për të mirën e njerëzve. <br> Rrethi i miqve - miq në rrugë të përbashkët <br> Qysh në të gjallë të Bruno Gröning ka pasur një rreth miqsh. Kur doli në shesh se shërimet dhe ndihmat vazhdonin të ngjanin edhe pas vdekjes së Bruno Gröning, zonja Grete Häusler filloi në vitin 1979 ta ndërtonte rrethin e miqve "Bruno Gröning» (BGF), me qëllim që të përhapeshin gjerësisht mësimet dhe kushtet e dala prej tyre për ndihmat dhe shërimet. <br> Emërtimi "rreth i miqve» është i saktë, pasi është fjala për një lidhje të lirë njerëzish të cilët u ndjekin pas idealeve që i kanë njohur njëherë dhe të cilët sillen me njëri-tjetrin me dashamirësi. Çdo mik mund në çdo kohë të shkëputet nga rrethi i miqve. <br> Rrethi i miqve ua përcjell të tjerëve mësimet e Bruno Gröning <br> Mësimet jepen (me ligjerata dhe shkëmbime përvojash) në takime bashkësie të rregullta lokale të cilat zakonisht mbahen në çdo tri javë. Para se ndihmëkërkuesi ose i interesuari të shkojë në takimet e bashkësisë, ftohet në një ligjeratë hyrëse për t'u njohur me thelbin parimor të mësimeve të Bruno Gröning. Disa herë në vit mbahen takime mbirajonale në trajtë sesioni. Mbledhjet shërbëjnë për shkëmbimin e përjetimeve dhe përvojave si dhe për rrëfimet e miqve të cilët e kanë rifituar plotësisht ose pjesërisht shëndetin e tyre. Poashtu merret bashkarisht rryma shëruese. <br> Këto aktivitete mbështeten me botime dhe kaseta që u dërgohen rregullisht dhe falas të gjithë miqve. Përveç kësaj, ka një shtëpi botuese që disponon me një numër të madh librash dhe kasetash audio dhe video për temat e mësimeve të Bruno Gröning dhe ka një seksion për prodhim filmash.<br> Rrethi i miqve - njerëz nga të gjitha kombet, fetë dhe shtresat <br> Rrethi i miqve nuk është ndonjë shkëputje nga një religjion amë.<br> Bruno Gröning thoshte: "Në rrethin e miqve, secili le ta pranojë fuqinë e besimit. Nuk dua të themeloj një religji të re. Secili le të mbesë në kishën a bashkësinë e tij të fesë. Mirëpo, seç ka ndëgjuar atje le ta besojë dhe le ta sendërtojë. Unë kam ardhur për të gjithë njerëzit, pa marrë parasysh religjinë e tyre dhe pa marrë parasysh kombësinë e tyre. Prandaj, rrethi i miqve "Bruno Gröning» nuk është sekt."<br> Bruno Gröning: "Të gjithë njerëzit e meritojnë që të ndihmohen."<br> Rrethi i miqve është kryekëput pa lidhje konfesionale. <br> Rrethi i miqve - pacenueshmëria e vullnetit të lirë <br> Bruno Gröning vinte në pah sidomos pacenueshmërinë e vullnetit të lirë të çdo njeriu: "Kam të drejtën ta ndihmoj çdokënd që ta gjejë rrugën drejt së mirës, mirëpo, nuk kam të drejtën ta marr unë në vend të tij vendimin për këtë dhe as ta shtrëngoj për të mirën. Çdokush duhet vetë ta gjejë rrugën e vet."<br> Çdokush duhet ta ketë mundësinë të vetëvendosë për vetveten dhe të përgjigjet vetë për jetën e vet. Në BGF (rrethi i miqve) nuk ka dogmë. Në BGF nuk instruohet dhe as nuk kërkohet një mënyrë unike sjelljeje. <br> Fëmijët dhe rinjtë në rrethin e miqve <br> Në rrethin e miqve, si në vend ashtu dhe në botën e jashtme, ka takime bashkësie për fëmijët dhe për të rinjtë. Ato mbahen - si dhe ato për të rriturit - në çdo tri javë. Edhe këtu pjesëmarrja është vullnetare. Edhe këtu është fjala për përcjelljen e mësimeve të Bruno Gröning, ndonëse - varësisht nga mosha e grupit përkatës - në mënyrë të përshtatshme për fëmijët dhe të rinjtë (ku ofrohen aktivitete si lojëra, hedhja e valleve, shtegtime alpinistike, të kënduarit vokal dhe instrumental). <br> Rrethi i miqve - respektimi i sferës private <br> Në BGF nuk urdhërohen kurrfarë rregullash për mënyrën e jetës private. Secili mik vendos vetë si sillet në dhe me mjedisin e tij shoqëror. Shumë miq tregojnë se tani u përgjigjen shumë më mirë dhe me vetëpërgjegjësi kërkesave të jetës së përditshme - jo në radhë të fundit për shkak të fuqizimit të forcave të tyre fizike dhe mentale. Shpeshherë, miqtë tregojnë për rifitimin e vetëbesimit ose të ekuilibrit të brendshëm. <br> Rrethi i miqve - pa synime politike <br> BGF nuk ka ambicie politike dhe as nuk e detyron asnjë mik për ndonjë drejtim politik. Mësimet e Bruno Gröning janë plotësisht pa ngjyrosje ideologjike.<br> Rrethi i miqve përbëhet nga pjesëtarë të të gjitha profesioneve dhe shtresave shoqërore duke përfshirë p.sh. edhe mjekë, mësues, amvisa, avokatë, zanatçinj etj. Përfshihen të gjitha moshat dhe, kuptohet, të gjitha konceptimet e ndryshme politike. <br> Të hollat në rrethin e miqve "Bruno Gröning» <br> Bruno Gröning kurrë nuk kërkonte të holla. Sipas modelit të tij, kjo vlen edhe në rrethin e sotëm "Bruno Gröning». Të gjithë miqtë veprojnë në rrethin e miqve falas, pa përjashtim. Kjo vlen pa përjashtim për të gjithë personat, ashtu dhe për zonjën Grete Häusler, udhëheqësen e rrethit të miqve, si dhe për të gjithë miqtë që veprojnë në të gjitha seksionet përkatëse. Parimisht, çdo bashkëveprim kuptohet se është plotësisht vullnetar dhe mund të ndërpritet në çdo kohë. Të gjitha harxhimet në rrethin e miqve "Bruno Gröning» mbulohen vetëm me ndihma vullnetare. <br> Nuk ka gjë të pashërueshme <br> Bruno Gröning i vërtetoi fjalët e mjekut të shquar Paracelsus që ndërsa mund të shërohen të gjitha sëmundjet, nuk mund të shërohen të gjithë njerëzit. Për "rrymën shëruese" dhe natyrën e saj hyjnore nuk ka kufinj dhe nuk ka sëmundje të pashërueshme, gjë që vlen madje për lëngata organike, kronike dhe degjenerative. <br> Në mësimet e tij, Bruno Gröning jepte udhëzime të thjeshta e të qarta se si mund të arrihet dhe mbahet shërimi. Për sëmundjet e njëllojshme, proceset e shërimit mund të zhvillohen ndryshe. Për këtë nuk janë të mundura premtime shërimi dhe as nuk jepen në rrethin e miqve "Bruno Gröning». <br> Grupi Ekspertor Mjekësoro-Shkencor (MWF) <br> Qysh prej vitit 1992 Grupi Ekspertor Mjekësoro-Shkencor në rrethin e miqve "Bruno Gröning» - bashkim ndërkombëtar i disa mijëra ekspertëve nga të gjithë lëmenjtë mjekësorë (profesorë, mjekë, terapeutë, mjekues, infermiere etj.) - ua kanë vënë vetes për detyrë t'i evidentojnë ndihmat dhe shërimet që bëhen më rrugë spirituale me anë të mësimeve të Bruno Gröning. <br> Në sesione të ndryshme ekspertore dhe me anë të një reviste speciale, mjekët dhe pjesëtarët e profesioneve të tjera mjekuese informohen për shërimet që kanë ndodhur në njerëz, kafshë dhe bimë si dhe për ndihmën dhe mbrojtjen në jetën e përditshme. <br> Themeluesi dhe udhëheqësi i MWF-së është mjeku Matthias Kamp (rekomandim libri: Matthias Kamp, "Bruno Gröning - Revolution in der Medizin", ISBN 3-927-685-20-8, botuar te shtëpia botuese Grete Häusler GmbH-Verlag).<br> Shërime më rrugë spirituale me anë të mësimeve të Bruno Gröning dëshmohen nga mjekësia - raportojnë mjekë dhe pjesëtarë të profesioneve të tjera mjekuese <br> Numri i madh i shërimeve të regjistruara të shumëllojshme si dhe studimet e mekanizmave të konstatuara veprimi dëshmojnë qartazi për specialistët se më këtë rrugë ka ndihmë për shumë të sëmurë të cilët gjer më tani nuk kanë pasur ndonjë shans të shëroheshin. <br> Mjekët dhe mjekuesit e MWF-së mbajnë sërë ndërkombëtare ligjeratash para mjekëve, mjekuesve dhe laikëve për të raportuar për përvojat e tyre të fituara me mësimet e Bruno Gröning dhe për të tërhequr vëmendjen për mundësitë gjerësisht të panjohura. <br>  </p> </body>