Legi pli...

Medicina dokumentado

Registrado kaj ekzamenado de ŝanĝoj

Grava parto de la laboro de la Medicina-Scienca Fakgrupo (MWF) estas sistema registrado kaj ekzamenado de sanigoj okazintaj sur spirita vojo laŭ la instruo de Bruno Gröning. Tiucele sanigitoj el la komunumoj de la Bruno-Gröning-Amikaro estas trejnitaj por registri sukcesraportojn en kvalifikita maniero. Tiel oni sukcesis estigi internacian retaron por registri la sanigojn en la Amikaro.

Ĉe la kronikado de sukcesraporto la stato de la sanigito antaŭ kaj post la sanigo estas detale registrita per demandaro simila al medicina historio. Tia raporto estas enhave ekzamenata de diversaj kuracistoj de MWF. Samtempe, laŭ la grado, kiel ŝajnas sencohave el kuracista vidpunkto, oni entreprenas dokumentadon. Kuracistoj de MSF venigas al si ĉiujn medicinajn antaŭ-diagnozojn kaj petas la sanigiton aranĝi postekzamenon faritan de sendependa surloka kolego. La dokumentoj estas aldonitaj al la sukcesraporto kaj kompletigitaj per kuracista komentaro.

Krom tiaj sukcesraportoj el la kampo de medicino por homoj, en la veterinara grupo de MSF oni registras kaj veterinare ekzamenas ankaŭ sanigon de bestoj. Ekzistas imponaj raportoj pri sanigoj je eĉ severaj kronikaj malsanoj, ĉe kiuj oni ne povintus atendi sanigon el veterinara vidpunkto.

Ankaŭ raportoj pri neklarigeblaj ŝanĝoj pere de la efiko de saniga forto sur plantoj estas kolektataj kaj ekzamenataj de tiukampaj fakuloj. Sammaniere oni registras raportojn pri helpoj en la persona vivo aŭ sur profesia kampo.

Tiel oni konservis skribe kaj arĥivis ekde la fino de la 1980-a jardeko milojn da helpoj kaj sanigoj.

La Medicina-Scienca Fakgrupo (MWF)

Internacia forumo de sanprizorgaj profesioj

Post fondiĝo en 1992 la Medicina-Scienca Fakgrupo (MWF) fariĝis unika forumo de diskutado pri sanigo sur la spirita vojo por miloj da kuracistoj, psiĥologoj, kaj aliaj homoj laborantaj en la sanprizorgaj profesioj en la tuta mondo. Multaj el ili serĉis sanigon por si mem aŭ siaj pacientoj kaj trovis en la instruo de Bruno Gröning efikan kompletigon de konvenciaj aŭ alternativ-medicinaj scioj.

Per publikigaĵoj, fakaj prelegoj, kaj kuracistaj konferencoj ili volas klarigi kaj informi pri la spiritaj cirkonstancoj de sanigo kaj sano kaj la fenomeno de sanigo per la spirito. La unua tasko estas la medicina ekzamenado de sukcesraportoj kaj – kiom eblas – ilia dokumentado per la koncernaj detaloj antaŭ kaj post saniĝo.

Tiel oni sukcesis dum la pasintaj jaroj estigi arĥivon, kiu pruvas en impona maniero, ke krom psiĥaj kaj psiĥosomataj malsanoj, ankaŭ organaj kaj eĉ degeneraj povas esti sanigitaj sur spirita vojo.

La fakuloj engaĝiĝintaj en MWF faras tiun laboron senpage kaj pro dankemo pro la saniĝoj, kiujn ili spertis ĉe si mem aŭ aliaj homoj. Ilia deziro estas doni sciencan fundamenton al sanigo sur spirita vojo laŭ la instruo de Bruno Gröning, kaj fari tiun manieron sanigi alirebla al kiom eble plej da helposerĉantoj kaj profesiaj kolegoj.